O terceiro canicrós de Rodeiro agarda duplicar asistentes e acadar o medio cento de cans

La Voz

RODEIRO

16 ene 2010 . Actualizado a las 02:00 h.

A terceira edición da proba de canicrós de Rodeiro disputarase o vindeiro 31 de xaneiro. A competición, organizada polo Concello en colaboración con ACADE, Asociación de Cans Deportistas, presentouse onte. Os promotores da competición, puntuable para a Liga Galega e a Liga Nacional, avanzaron que confían en acadar os 50 participantes, é dicir, o dobre da pasada edición. Entre as novidades presentadas para esta proba está unha modificación no percorrido, que reduce o número de metros de asfalto ata limitalos a uns 300, ao tempo que amplía ata os 10 quilómetros o trazado total da competición. O obxectivo da organización cos cambios é gañar en velocidade e adaptarse ás normativas.

Dende ACADE subliñaron o carácter «especial» do canicrós de Rodeiro, pioneiro no seu momento na comunidade ao ser a primeira proba oficial disputada en Galicia, e unha das que conta con maior respaldo.