Aprendizaxe audiovisual da noticia

1. ¿Como funciona o teu pensamento visual?

Os pensadores visuais funcionan mellor cando o material se lles presenta en diagramas de fluxo, liñas de tempo, filmes e demostracións.

• Os pensadores visuais tenden a ser espaciais e teñen bo ollo para o tamaño, o espazo e as relacións.
•  Para conservar a información, a miúdo teñen que debuxala nun diagrama.
• Prefiren ver unha demostración física, visual no canto de que alguén lles explique en detalle como levar a cabo unha tarefa.
• O pensamento visual é holístico, fíxase no conxunto.
• Para traballar fíxanse no todo, e non van por partes e a saltos.
• A miúdo poden sentirse atafegados durante un tempo pola confusión, pero con frecuencia xórdelles de súpeto a comprensión do que estudan.
• Cando xorde a comprensión do material, o pensador holístico non só ve o panorama xeral, senón que ten unha perspectiva máis clara e creativa que outros pensadores.
• A miúdo, os pensadores holísticos necesitan máis tempo para entender a información que outros pensadores; pero a súa comprensión final é máis extensa.

2. ¿Como funciona o teu pensamento auditivo?

• O pensamento auditivo é secuencial, ordenado, paso a paso.
• Os pensadores auditivos teñen un bo sentido do tempo.
• Manexan mellor a resolución secuencial de problemas.
• Van estudando paso a paso para entender mellor o todo.
• Prefiren empezar polo concepto máis simple ou por unha parte dun problema, e traballar a través sobre as partes máis difíciles ata atopar a solución completa.
• Moitos profesores e instrutores son pensadores secuenciais.
• Por suposto, os pensadores auditivos funcionan máis eficientemente cando o material se lles presenta dunha forma audible.
• Para conservar ben a información recibida, a miúdo repítense en voz alta o que acaban de oír.
• Prefiren ter a alguén para explicarlle en detalle como realizar unha tarefa, en lugar de ver unha demostración física, visual do que oíron.

ACTIVIDADES

• Fíxate, por exemplo, na Noticia do día que todas as mañás, ás 9, se edita na web de Prensa-Escuela.
•  Que tipo de exercicio che gustaría máis facer: algo auditivo de discusión -comunicación verbal- opinión ou algo visual. ¿Cal, por exemplo?
•  Abre a seguinte ligazón e consulta as diversas variantes que poden darse en cada un de nós cando aprendemos algo da noticia e como gardamos o seu contido e o aplicamos ao noso fondo de coñecementos e actitudes.
  • (Fonte: Dra. Linda Silverman Kreger: www.gifteddevelopment.com)