«Hoxe conto pasar»

Aqueles que seguen o concurso «Recantos» do programa Luar da TVG saben que hai representante mariñá no certame. Ela é Lara Rodríguez, vicedense, quen tras ter pasado a primeira chega hoxe á segunda fase, a seguir gozando de cantar.

-Como van os nervios?

-Agora de nervios ben. Pero hai uns días estaba nerviosa.

-Cantas tilas tomou xa?

-De momento ningunha. Mañá [por hoxe] xa se verá...

-Como vai a experiencia?

-Somos unha piña. Este ano están sorprendidos porque nos levamos moi ben.

-Os de antes eran máis rivais?

-Nesta edición somos máis amigos antes que rivais.

-Cal vai ser tema a cantar?

-A rapaza yeyé de Concha Velasco... bueno, con i latina. Quero facer a miña versión miña, creo que ben e que é máis persoal.

-Non lle da toque «heavie»?

-¡Non, non, non...! (Ri).

-Quen a vai acompañar?

-Vén a miña xente, de Viveiro, amigos e familia.

-Por certo, Gayoso é de baixa estatura como parece, non?

-Si pero é moi boa xente.

-Como ten que facer o espectador para votar por vostede?

-Agora estamos na segunda fase. Hai que esperar a que despois das dúas actuacións que van antes a que digan que as liñas quedan abertas e entón chamar ao «meu» número que vai aparecer nas pantallas. É o 988 600 681. Eu xa o sei de memoria.

-Cales son as expectativas?

-Conto pasar, pero hai moito nivel e nunca se sabe.

-Sabe cando sería a terceira?

-Non. Dan as datas despois.