A Cátedra do Coñecemento debate sobre política científica

Co fin de debater sobre política científica e tecnolóxica tivo lugar no edificio Miralles a xornada «Innovación, Empresa e Universidade», que se enmarca no ciclo de actividades que realiza a Cátedra Sociedade do Coñecemento da Fundación Caixa Galicia. Esta iniciativa ten como obxectivo «analizar toda relación que supoña unha implicación da Universidade na sociedade e na xeración de cultura», apuntou o vicerreitor de Planificación, José Cidrás Pidre. Nesa mesma liña, o director da Cátedra José Carlos Arias remarcou o carácter pluridisciplinar da mesma.