Ames pecha o programa de andainas no solpor

20 horas • Desde diante do centro de saúde de Bertamiráns • O Concello de Ames pecha hoxe o programa de andainas «Camiñando no solpor» cunha ruta con saída e chegada xunto ao centro de saúde de Bertamiráns, pasando pola igrexa de Santo Estevo de Covas e polos petróglifos do Vilar. En total serán 10,45 quilómetros de percorrido para o que se estima un tempo aproximado de dúas horas. Trátase dunha actividade gratuíta e non é preciso inscribirse previamente.