Rianxo volve render homenaxe a Castelao

Rianxo puxo fin hoxe a varias semanas de programación cultural para conmemorar o nacemento de Castelao coa tradicional ofrenda floral diante do busto do escritor que preside o paseo da Ribeira.

O alcalde rianxeiro e o presidente en funcións da Fundación Castelao foron os encargados de depositar unha coroa de loureiro ante a figura do intelectual nun acto que serviu para lembrar a Avelino Pousa Antelo, presidente e gran impulsor da entidade que leva o nome do pai do galeguismo.