O Concello de Xove entregou os undécimos premios de fotografía da súa costa e do seu mar

O Concello de Xove entregou os premios da undécima edición do concurso de fotografía «Xove, a súa costa e o seu mar». Un certame que, segundo destacan os organizadores, cada ano «pon en valor a beleza da costa de Xove e o talento dos participantes». Os galardóns foron entregados polo alcalde, Demetrio Salgueiro, e pola concelleira de Turismo e Medio Ambiente, Cecilia Duarte.

O primeiro premio, dotado con 120 euros, foi para Miguel Ángel Díaz Gallego, pola imaxe «Luces». O segundo, de 100 euros, foi recibido por Alberto Rapa Martínez por «Remanso nocturno», mentres que o terceiro (90 euros) foi parar a Germán Paleo Navarro por «Rastro de luz».