«Temos ganas de traballar e un comercio competitivo»

Xove conta actualmente coa súa propia Asociación de Comerciantes Industriais e Autónomos, que preside Marta Louzao Gato.

-Hai nada que están aí.

-Un mes. A criatura está nacendo, aínda non botou a andar.

-E o comezo, ¿é difícil?

-Empezamos con moitas ganas ao principio, a xente está bastante volcada, na directiva a xente nova... A ver dentro dun ano, xa che contarei.

-¿É a primeira vez que se crea unha Aciam en Xove?

-Non, esta se retomou. Non sei os anos que levaba parada... dez quizais.

-Nese tempo todo mudou.

-Os tempos cambiaron moito e o comercio de xove aumentou, hai máis tendas. Na outra asociación xa había moitos socios. Por agora estamos empezando.

-Xusto nun momento delicado. A crise está aí.

-¡Vaia! A ver se por iso impulsamos algo máis. É bo facer cousas e que a xente saiba que estamos aquí, temos ganas de traballar e temos un comercio competitivo.

-¿Algunha iniciativa xa?

-A asociación aínda está case posta a andar. Vamos a facer un sorteo de verán. Se celebrará o sorteo o 30 de agosto coincidindo coas festas do pobo. Sortéanse tres premios: un primeiro ao balneario de Mondariz para dúas persoas unha fin de semana doado por Cesáreo Eijo, o segundo en metálico de 500 euros repartido en vales de 50 para gastar en comercios asociados e o terceiro é sorpresa. Según lles vaiamos dando os recibos nos comercios os clientes poñen os seus nomes nas papeletas. Os recibos non premiados se poñerán nun buzón e se escollerá a gañadora. É un premio doado por A Roda. Aínda teñen unha terceira oportunidade. Empezaremos a repartir as rifas, supoño que a primeiros de xuño. Temos preparadas 500 rifas. Somos 36 socios.

-Me chama a atención de Xove é o variado do comercio.

-Temos un pouquiño de todo e digo sempre que Xove está a cinco minutos de outros sitios, temos moitas vantaxes, é e hoxe é un pobo máis grande. Pequeniño e xeitoso.

-Coma unha vila rural e que depende, coma outras, de Alcoa, ¿non?

-A Mariña en xeral. Alcoa é unha empresa moi grande e dálle auxe a toda a Mariña en xeral. Claro que si, vivimos moito de Alcoa. Se nota cando un sector está en crise... Na Mariña penso que non é onde sexa máis onde se estea notando. Teño un salón de beleza e sigo traballando ao mesmo ritmo.

-Unha curiosidade, ¿son presumidos os xovenses?

-¡Si, moito! Hai 20 anos que abrín o negocio e si se notou. A xente estache moi posta. Demándanche as mesmas cousas que na capital. Xa coñecen de todo. Fago «micro» (pigmentar labios e cellas) e sorprendeume a resposta, para ben. A xente de Xove non se queda á zaga.