As noticias que chegan de lonxe
La Voz de la Escuela
Non é fácil atopar o sentido internacional das noticias, xa que veñen de lonxe e distantes nos quedan, aínda que, ás veces, nos tocan afectivamente. É necesario traballar isto con vista, oído, olfacto, gusto e tacto, os cinco sentidos máis un que nos deixa sen fronteiras infranqueables. Dicía un filósofo africano: «Humano son porque dou conta de quen é humano». Os cinco sentidos, os cinco máis un... hainos que pór en acción sen límite, a toda presión, saltando montañas e asucando os mares.
08 Mar 2017. Actualizado a las 05:00 h.
Coñecer a enquisa Paneis na aula Buscar noticias no xornal Cidadanía Global Education / Edutopia
CADRO 1
E aplicar, talvez, algúns aspectos aos alumnos de secundaria e bacharelato. ¿Que resultados dan? ¿Parécense aos obtidos na aplicación que se fixo con universitarios?
Para iso é necesario seleccionar algúns temas e as súas preguntas correspondentes. Non é fácil, pero é unha boa sondaxe dos coñecementos e actitudes que podamos ter do sentido internacional .
Despois, comentar os resultados entre todos e discutir un pouco en que consiste o buscar un sentido internacional ás noticias, que facer para fomentalo na aula e relacionarse con algún grupo, colexio ou organismo mundial que nos axude neste traballo.
CADRO 2
Indicamos soamente algúns, pero haberá seguramente outros que lles chame a atención aos alumnos ou que pareza que son máis fáciles para traballar con eles no aula. Mantelos, por exemplo durante un tempo: dous, tres meses talvez, ou máis, o curso enteiro. E sitio para anotar brevemente o tema internacional que cada semana vai saíndo.
- Alimentación / Clima / Comunicación/ Cultura / Dereitos humanos / Economía / Educación / Emigración / Enerxía / Epidemias / Familia / Fauna / Flora / Fronteiras / Guerras / Información / Linguaxes / Medias de comunicación / Nenos / Enerxía nuclear / Poboación / Política / Refuxiados / Relixión / Seguridade / Terremotos / Terrorismo / Transportes…
- Seguro que faltan algúns temas, importantes ou que ofrecen atractivo para investigalos. Busquémolos.
CADRO 3
É o momento de ir ao xornal. E podemos facer a investigación de dous xeitos: termos do cadro 2, que xa figuran na lista anterior, e procura aberta, onde aparecen termos novos que teñen repercusión internacional e hai que engadir despois á lista inicial.
- Arquivo da procura. Atoparemos non só novos elementos, senón que tamén lles daremos especial relevo aos que xa tiñamos, facendo un resumo da noticia, citando a súa referencia no arquivo web dos xornais, comentándoo na aula, etcétera.
CADRO 4
Ás veces temos ben preto como actuar e desenvolver este sentido internacional, practicando en directo co que vemos na rúa de en fronte ou na propia. O sentido de cidadanía ofrécenos un territorio para comprobar se isto vai en serio.
- ¿Gustaríache ter a man un power point onde se fala das 12 portas da cidadanía? Pois alí se fala de igualdade, xustiza, liberdade, medio ambiente, participación, paz, persoa, pluralismo, solidariedade, tolerancia, traballo, vida.
- E todo iso ofrecendo tamén nun esquema de xogo sobre taboleiro. ¿Non é certo que nos xogamos moito en todo isto? Pois sobre o Civitáforo podes comezar o teu adestramento ou reforzalo.
- É gratis. Consulta co teu profesor e dinos a que dirección cho podemos enviar. Escribe directamente a: churepe@telefonica.net
CADRO 5
Aquí tes a dirección na que poderás consultar oito vídeos producidos pola empresa de comunicación Edutopia: Five-Minute Film Festival: Developing Global Citizens (goo.gl/LOVTAL).
1. Planetary Collective Presents CONTINUUM: animais clima, relixión, filósofos, transportes, idiomas, auga, lume.
2. World peace and other 4th-Grade Achievements.
3. Ubuntu. Global Oneness Project.
4. Map Your World 7 Water Map.
5. The Global Classroom. Live from South Africa.
6. Mistery Skype: Conecting Classrooms Around the World.
7. What is Global Read Aloud? Outras conexións con libros.
8. Dancing Around the World, 500.000 readers. Un libro para conectar cos demais: esferas falando con mapas do mundo.
- Información complementaria: (goo.gl/7WfEOD)