Presentación do proxecto ActivaVerde, o xoves no centro sociocomunitario do Barqueiro, en Mañón

Este xoves, de 16.30 a 17.30 horas, presentarase o proxecto ActivaVerde no centro sociocomunitario do Barqueiro, en Mañón.

É o plan de fondos de Transición Xusta da Unión Europea, cofinanciado pola Xunta, orientado a paliar as repercusións económicas do peche da central térmica das Pontes (e tamén da de Meirama).

Participar no proxecto é gratuíto e voluntario. En https://activaverde.gal/ informan a quen se interese polos detalles do proxecto.