O arciprestado de Riazor programou para o sábado unha ruta por Camariñas

Arredor de 150 persoas participarán o sábado na ruta polo litoral camariñán organizado polo arciprestado de Riazor. Segundo informou a páxina web www.festasdocarmen.com, a iniciativa forma parte das excursións por distintos puntos de toda Galicia programada pola institución. A saída dos participantes, dos que medio centenar serán veciños da localidade, será ás 09.45 horas desde o Club Náutico. Os camiñantes dirixiranse ata o Castelo e farán unha parada, ás 11.00, na capela da Virxe do Monte, para celebrar unha misa. Desde alí continuarán ata o Faro Vilán para emprender o regreso por Mourín. Regreso e xantar Todos eles compartirán despois un xantar de confraternidade nas instalacións do náutico. Os interesados aínda poden inscribirse, pero quedan poucas prazas dispoñibles porque só ten capacidade para 160 comensais.