A carballesa Sofía Eirís xa adestra en La Masía co Barcelona

Sofía Eirís Blanco, de Carballo (2015), cumpre un soño estes días, nos que adestra nas instalacións de La Masía co Barcelona alevín. A xogadora do Cerqueda recibiu a chamada do club azulgrana tras participar este verán nun campus que a entidade catalá levou a cabo en Arteixo.

Tiña seis anos cando comezou a xogar no Coristanco. É centrocampista e a súa xogadora favorita é Aitana Bonmatí. A paixón herdouna de seu pai, Schuster, que aínda xoga.