A Illa e o mapa das mareas máis altas do ano

O Equipo da Transición Enerxética da Illa vén de facer unha petición de axuda. Hoxe e mañá «tocarán as mareas máis altas do ano». O grupo de traballo que afonda no cambio de modelo enerxético nesta localidae, quere «tomar nota e documentar estas mareas e o seu impacto na costa con fotos para concienciar do problema do cambio climático e do aumento do nivel do mar». Para iso, por unha banda anima á comunidade educativa a do colexio «a dar un paseo e facer fotos do mallante pola tarde do venres ás 17.30 e o sábado ás 18 horas». Por outra banda, «todas aquelas persoas que queiran aportar unha imaxe para cubrir todo litoral da Illa de Arousa e crear así un mapa da marea máis alta en 2020 pode envialo ao mail arousaentransicion@gmail.com ou ao facebook do grupo Arousa en Transición».