O Arousa reclama por vía xudicial a inclusión dos seus alevíns no AF7

A directiva do Arousa SC e a Comisión Pro Torneo Arousa Fútbol 7 presentaron o pasado 2 de abril unha demanda xudicial contra o coordinador do AF7, Manuel Diz Andión, perante o xulgado decano de Vilagarcía. Nela reclámase a inclusión do equipo alevín do Arousa SC na fase final da presente edición do torneo, a finais de maio, e a devolución do control do mesmo ao Arousa SC, segundo explicou onte o presidente do club, José Manuel Gómez.