Ballet clásico e galego no programa de Perla de Arousa

A agrupación Perla de Arousa celebra mañá no auditorio municipal de Vilagarcía, ás oito e media, o seu festival anual.

O programa, no que participarán as 150 alumnas de baile (as máis pequenas, de catro anos, actuarán coma folerpas), inclúe dúas partes. A primeira, centrada no ballet clásico, desenvolverá o segundo acto da Lenda dos cascanoces , con música de Tchaikovsky.

A segunda parte detense no ballet galego, con dez pezas: Foliada do Tenorio, Muiñeira dous pequenos, Muiñeira de Rivadavia e Carril, Muiñeira de Mondariz, Muiñeira do Salnés, Muiñeira de Areal, Pandeo, Tempos de muiñeira, Muiñeira rápida e Fandango . As entradas , a dous euros cada unha, xa están á venda.