Falece Manuel Villares, pai do historiador e autor da «Historia de Galicia» Ramón Villares

Finou aos 96 anos en Vigo e esta mañá terá lugar o enterro en Xermade

Ramón Villares recibiu o premio Otero Pedrayo en decembro do 2019
Ramón Villares recibiu o premio Otero Pedrayo en decembro do 2019

La Voz

Manuel Villares González, pai do historiador Ramón Villares, faleceu en Vigo aos 96 anos. O enterro terá lugar hoxe ás doce da mañá no cemiterio parroquial de Cazás (Xermade). Posteriormente, celebrarase un funeral na igrexa de San Xulián de Cazás.

Debido ao estado de alarma actualmente vixente, que afecta aos enterros e funerais, o aforo dos actos está restrinxido. En todo caso, os achegados á familia poderán enviar as súas condolencias e mensaxes a través do libro virtual da funeraria (tanatorioazahar.es).

Ramón Villares é unha das figuras imprescindibles da cultura galega. Autor da Historia de Galicia, obra de referencia no estudo da comunidade, é catedrático de Historia Contemporánea da Universidade de Santiago (da que tamén foi reitor entre o 1990 e o 1994). Foi presidente do Consello da Cultura Galega e é membro da Real Academia Galega. 

Ramón Villares: «Galicia é máis ca un país e menos ca un Estado, unha nación cultural»

enrique clemente
No libro Villares dá unha imaxe distinta de Galicia
No libro Villares dá unha imaxe distinta de Galicia

En «Galicia. Una nación entre dos mundos» o historiador destaca a súa dobre vertente europea e americana

Catedrático de Historia Contemporánea da Universidade de Santiago e presidente do Consello da Cultura Galega entre o 2006 e o 2018, Ramón Villares (Xermade, Lugo, 1951) é un dos intelectuais galegos máis relevantes. Acaba de publicar Galicia. Una nación entre dos mundos (Pasado & Presente), un libro co que pretende «explicar o que é Galicia, axudar a entendela e a que sexa comprendida».

-Galicia está presa de moitos estereotipos, dalgúns clixés negativos, que felizmente se foron superando, pero non deixamos de ser vistos coma un pobo que está alá na Fisterra, nunha esquina verde, que non se sabe se sobe ou se baixa. Eses estereotipos son froito da preguiza. No libro preséntase unha imaxe de Galicia distinta, a dun pobo europeo e americano ao mesmo tempo por distintas razóns e en distintas épocas, de aí o título.

Seguir leyendo

Conoce nuestra newsletter con toda la actualidad de Vigo

Hemos creado para ti una selección de noticias de la ciudad y su área metropolitana para que las recibas en tu correo electrónico. Descubre nuestro nuevo servicio.

Votación
7 votos
Comentarios

Falece Manuel Villares, pai do historiador e autor da «Historia de Galicia» Ramón Villares