Igualdade, conquista democrática e motor económico

Laura Seara FIRMA INVITADA

VIGO CIUDAD

DUVI

16 mar 2020 . Actualizado a las 05:00 h.

luns desta semana presentábase en Ourense o estudo de Valoracións, percepcións e impacto das políticas de igualdade entre mulleres e homes na Universidade de Vigo, encargado pola Unidade de Igualdade que dirixe Águeda Gómez e financiado con fondos do Pacto de Estado contra a Violencia de Xénero mediante un convenio entre a Secretaría Xeral de Igualdade e a institución académica.

A través de 375 entrevistas a alumnado, profesorado e persoal de administración e servizos, con máis de 100 variables, aporta por unha banda, unha descrición cuantitativa a través de indicadores desagregados por sexo, analiza o nivel de igualdade acadada nos últimos anos a través das medidas estruturais implantadas, as políticas de sensibilización e prevención da violencia de xénero e os plans e ademais valora o teito de cristal, a formación ou a opinión que do feminismo ten a comunidade universitaria.

A Universidade de Vigo é percibida como a institución máis igualitaria de todas as que se pediron valorar no traballo e o 71% das persoas entrevistadas manifesta o seu desexo de recibir formación en materia de igualdade. Un dato alentador que desmonta mitos sobre a utilidade da formación universitaria e profesional en materia de xénero.