Xosé Luis Franco Grande presenta o poemario «Libro das abandonadas»

La Voz

VIGO CIUDAD

. óscar vázquez

O escritor presenta unha nova creación lírica dedicada ás mulleres que por distintos motivos foron quedaron soas

07 mar 2017 . Actualizado a las 04:00 h.

Ás 20.30 horas, na sala de conferencias da sede Afundación (Policarpo Sanz 26), comezará o acto de presentación do novo título de Teófilo Edicións Libro das abandonadas, de Xosé Luis Franco Grande, membro da Real Academia Galega e Premio Nacional de Literatura. O autor estará acompañado por Xesús Alonso Montero, presidente da RAG, e polo editor, José Luis Teófilo Piñeiro.

O libro abordo tres tipos de mulleres abandonadas. «Unha é moi típica de Galicia; son as que Rosalía chamou viúvas de vivos. Eran aquelas mulleres que quedan ao fronte da familia cando o seu home emigra; é un drama moi coñecido en Galicia», explica o autor.

O segundo grupo de mulleres abandonadas que inclúe Franco Grande son as mulleres abandonadas polo seu amante, «é un tema que foi moi tratado por poetas como Rilke, ou os casos típicos da monxa portuguesa Mariana Alcofarado».