«Peinador morreu de pena tras o fusilamento do seu fillo»

La Voz

VIGO CIUDAD

<span lang= gl >Ricardo Gurriarán presenta a biografía de Peinador na Escola de Empresariais</span>
Ricardo Gurriarán presenta a biografía de Peinador na Escola de Empresariais . josé manuel casal

O profesor presenta hoxe a biografía do empresario galeguista impulsor do balneario de Mondariz

05 may 2016 . Actualizado a las 04:00 h.

O Foro Peinador inaugurará hoxe, ás 12.00 horas, un monumento ao empresario galeguista Enrique Peinador Lines nos xardíns da Escola Universitaria de Estudos Empresariais, na rúa Torrecedeira. Pouco despois, xa no salón de actos da escola, terá lugar a presentación da biografía que sobre o impulsor do balneario de Mondariz fixo o profesor Ricardo Gurriarán Rodríguez.

-¿Quen foi Enrique Peinador Lines?

-Foi un empresario un pouco opacado pola figura do seu pai, fundador do balneario de Mondariz. Lines foi quen lle deu unha magnanimidade e unha internacionalización ao balneario, así como uns sinais de identidade e de cultura.

-¿Cal foi a súa achega ao coñecemento exterior de Galicia?

-Un dos elementos máis importantes foi o fomento do turismo a nivel global porque deron unha serie de pasos para poñer en valor toda a area de Mondariz, e incluso a de Vigo a través do seu porto coa chegada de estranxeiros. Eles fixeron un valor de reclamo dende as propias revistas coa colaboración de figuras senlleiras da literatura e a investigación, estoume a referir a revistas Mondariz, que aínda que so durou sete anos, pasaron por ela importantes plumas. Trataron de fomentar moitísimo os itinerarios culturais ligados a arte ampla da comarca.