As canteiras do Latón e da Borna

Manuel Méndez AGRUPACIÓN CULTURAL NÓS

VIGO CIUDAD

Moito granito das canteiras situadas na costa de Meira e Domaio foi empleado na construción do porto de Vigo

19 mar 2015 . Actualizado a las 14:20 h.

A fotografía de J. Gil chama a nosa atención porque esta canteira e outras ubicadas no norte da ría de Vigo están descritas polo director de Obras do Porto de Vigo Eduardo Cabello nas Memorias do Porto de Vigo, precisamente nese mesmo ano de 1908 e seguintes.

A fotografía chegou ao arquivo da A. C. Nós por pura casualidade despois dos traballos de limpeza nalgunha casa da parroquia de Meira. Hai algo máis de cen anos traballaban nas canteiras mulleres e homes, moitos deles portugueses, para cargar a pedra nas vagonetas e nas gabarras con destino á construción dos peiraos de Vigo, segundo os primeiros proxectos do enxeñeiro Fernando García Arenal, director de Obras do Porto de Vigo entre 1890 e 1908.

García Arenal era fillo da ilustre Concepción Arenal e construíu un chalé no Con, parroquia de Tirán (Moaña), na propiedade que leva o seu nome. Ámbolos dous, nai e fillo teñen dúas rúas cos seus nomes en Moaña.