Unha Academia fracturada en dous bloques afronta a elección de quen será o seu presidente número doce desde os tempos de Manuel Murguía. Os filólogos Xesús Alonso Montero (Vigo, 1928) e Manuel González (Mazaricos, 1951) disputan os apoios necesarios para relevar á fronte da RAG ao dimitido Xosé Luís Méndez Ferrín e poñer fin aos tres meses máis convulsos da centenaria historia da corporación.

Manuel Rivas sinalou que era necesario non explicar este proceso electoral en termos duns contra outros. Pediu paz e sinalou que o único partido neste caso é a Academia. O plenario comezou a sesión para elexir entre Xesús Alonso Montero e Manuel González.