25 jul 2008 . Actualizado a las 02:00 h.
A curtametraxe titulada O máis rico (do cemiterio), do director Jorge Fernández, ven de gañar o primeiro premio da sexta edición do certame de creación audiovisual que cada ano organiza a vicerreitoría de extensión cultural e estudantes da Universidade de Vigo.
A cinta, que trata sobor da morte e da intención de materializar o crime perfecto, foi a máis aplaudida polo xurado do concurso. O director asegurou, tras coñecer a condecoración, que este premio «abrirá moitas portas de cara a outros festivais».
Ademais desta modalidade de narrativa, gañou en documental Isabel Martínez con A república dos soños, e no vídeo experimental, a creación de Estela García, Compostura.