Canastras a ritmo de rock en Salceda

Un audiolibro promove os valores do baloncesto e da música dentro e fóra do taboeiro


Salceda / la voz

«O baloncesto é rock and roll» defende hai máis de tres décadas sobre o taboeiro e os escenarios Loquillo. O coordinador deportivo de Club Baloncesto Caselas, Adrián Salgado Fernández, que se confesa igualmente apaixoado deste deporte e desta música, impulsa un pedagóxico proxecto co que consegue canastras dentro e fóra do campo de xogo ó fomentar valores universais.

O proxecto deportivo, educativo e musical que ten posto en marcha chámase A banda dos insectos. «Buscamos familiarizar á xuventude coa linguaxe do baloncesto e os valores tranversais que implica o deporte, empregando como vehículo a música e o rock con letras en galego», explica ou seu promotor. O grupo naceu hai tres anos e, tras comprobar que a fórmula funciona, con varios concertos ás espaldas e temas propios, veñen de publicar coa editorial Guindastre o audiolibro Pasando a bóla.

«É unha novela xuvenil na que se fala sobre un equipo de baloncesto de nenos moi diferentes entre si, e na que se tratan dende temas baloncestísticos e deportivos ata aspectos como a diversidade ou o racismo, a integración ou ou acoso escolar», revela este tudense que naceu hai 32 anos en Caldelas de Tui e que agora está xa a fincado en Salceda de Caselas.

«Cada capítulo vai acompañado dunha canción da Banda dos insectos, buscando que os rapaces gocen dunha lectura lúdica e interactiva», indica. Está dirixido principalmente a ou público de 8 a 14 anos.

Esencia Xabarín

O proxecto ten a esencia do Xabarín Club, programa da Televisión de Galicia que enganchouno seu día tanto a Adrián Salgado (batería e voz) como aos seus compañeiros de banda, Jacobo Rosselló (guitarra) e Eduardo Cadeas (baixo). «Combinamos a nosa paixón e experiencia na música coa nosa condición de formadores, co obxectivo de que as crianzas reciban unha educación integral e aprendan dunha maneira divertida», apunta. Esta é a carta de presentación do grupo e, sobre a historia do conto, non adiantan máis que o estritamente preciso para que cada quen faga a súa propia descuberta: «Arrinca coa chegada dun novo adestrador a un equipo de baloncesto». E aí queda e comeza a historia.

A xente do Clube Baloncesto Caselas considera, ademais, que é unha boa aposta para calquera escola, con independencia da materia a estudar, xa que fala valóres universais como o respecto á diversidade. A novela, da autoría de Celtia Figueiras e con ilustracións de Iago Araujo, está á venda por doce euros e pode escoitarse un adianto dos temas tanto no Facebook da banda como na web de Guindastre.

Conoce nuestra newsletter con toda la actualidad de Vigo

Hemos creado para ti una selección de noticias de la ciudad y su área metropolitana para que las recibas en tu correo electrónico. Descubre nuestro nuevo servicio.

Votación
6 votos
Comentarios

Canastras a ritmo de rock en Salceda