A Penzol repasa a vida de Xela Arias

A exposición permancerá na Casa Galega da Cultura ata o vindeiro 31 de maio


Vigo

Co gallo da celebración do Día das Letras Galegas dedicado este ano á poeta Xela Arias, a Fundación Penzol organiza unha mostra de libros e documentos sobre a homenaxeada, que se expoñen en catro mesas vitrinas na entrada da Casa Galega da Cultura de Vigo, na Praza da Princesa. Os fondos proceden da Biblioteca Arquivo Fernández del Riego-Concello de Vigo e da propia Fundación Penzol.

Os contidos están agrupados en catro apartados. No primeiro, titulado Primeiras manifestacións escritas da súa infancia, se atopan, entre outros obxectos, redaccións escolares e o seu primeiro texto publicado. Baixo o título Xela Arias, poeta se inclúe a súa obra de creación publicada. En Xela Arias, editora e tradutora hyai unha selección dos libros por ela traducidos e editados. E finalmente, No ronsel de Xela Arias se amosan diversos materiais posteriores ao seu falecemento, noticias e necrolóxicas do seu óbito, así como a homenaxe póstuma, e varias fotografías ilustradoras da mostra.

Pódese visitar desde o 15 de abril ata o 31 de maio de 2021, en horario de 9.00 a 14.00 horas de luns a venres, coincidindo coa apertura dos servizos de arquivo e biblioteca da Casa Galega da Cultura, na Praza da Princesa de Vigo. Tamén se atenden visitas guiadas mediante cita previa.

Conoce nuestra newsletter con toda la actualidad de Vigo

Hemos creado para ti una selección de noticias de la ciudad y su área metropolitana para que las recibas en tu correo electrónico. Descubre nuestro nuevo servicio.

Votación
0 votos
Comentarios

A Penzol repasa a vida de Xela Arias