O Marco celebrará mañá o Día dos Museos con varias pezas audiovisuais

A iniciativa levarase a cabo a través de YouTube


vigo / la voz

Con motivo do Día Internacional dos Museos, o Museo de Arte Contemporánea de Vigo, Marco, que non abrirá as súas portas ate o 2 de xuño, celebrará mañá a data do 18 de maio con diferentes actividades virtuais.

A obra de Yolanda Herranz e a exposición «…Non, aínda non», que se exhibe no primeiro andar, ofrece o punto de partida en relación co tema do Día Internacional dos Museos nesta edición, que é «Museos para a igualdade: diversidade e inclusión». A mostra de Herránz conta cunha instalación mural na que un grupo de dez mulleres recita dúas series de 690 palabras que empezan por a, en feminino e plural, por orde alfabética, recollidas do dicionario da RAE, referidas unhas ao ser e outras ao estar das mulleres. O Marco ofrecerá na súa web e canle de YouTube unha versión gravada desta performance.

Ademais, organizan un obradoiro en colaboración con Apamp, Asociación de Familias de Persoas con Parálise Cerebral. A actividade complementaria da exposición Manuel Colmeiro: espazos e encadramentos, levada a cabo nos talleres do centro, é aberta á participación de todas as persoas usuarias e familias da asociación a través da rede, e dará como resultado unha peza audiovisual composta por diferentes historias. Tamén proxectarán tres curtas documentais sobre identidade do festival Cheap Cuts, en streaming ás 20.00 horas.

Conoce nuestra newsletter con toda la actualidad de Vigo

Hemos creado para ti una selección de noticias de la ciudad y su área metropolitana para que las recibas en tu correo electrónico. Descubre nuestro nuevo servicio.

Votación
0 votos
Comentarios

O Marco celebrará mañá o Día dos Museos con varias pezas audiovisuais