Manuel Veiga presentou o libro «O exiliado e a primavera», co que obtivo o Xerais de Novela 2004


vigo

A finais do pasado ano, o xornalista Manuel Veiga acadaba o premio Xerais de Novela cunha obra na que recuperaba a memoria do seu Monforte natal, ubicado nos derradeiros anos da ditadura. En O exiliado e a primavera , Manuel Veiga narra o retorno dun galeguista exiliado a súa cidade para asitir ao enterro da súa nai. Alexandre Marrube, que é o protagonista da novela, vai comprobando dun xeito amargo, como a terra que tivo que deixar tras a guerra, perdeu calquer atisbo de espíritu crítico, e vive nunha apatía casi xeral.Onte, a librería Librouro serviu como escenario para unha reflexión sobre a obra de Veiga, na que tamén participaron o escritor Xosé Luis Franco Grande, e o director de Edicións Xerais, Manuel Bragado, xunto co propio autor da obra. A contraposición entre as dúas Galicia que quedaron tras a guerra civil é o tema de fondo que trata na súa novela o excelente narrador. Esta mesma contraposición é a que pervive no país dende entón. Manuel Veiga é doutor en Ciencias Políticas e Socioloxía e licenciado en Ciencias da Información, e traballa como redactor no semanario A Nosa Terra. Como narrador publicou a novela As ruínas da cidada amada (1998) e os relatos Biografías de malogrados (2001), así como o ensaio O pacto galego na construcción de España (2003). O libro que lle deu o Xerais de Novela 2004 está sendo unha das obras máis vendidas da literatura galega dos últimos meses.

Conoce nuestra newsletter con toda la actualidad de Vigo

Hemos creado para ti una selección de noticias de la ciudad y su área metropolitana para que las recibas en tu correo electrónico. Descubre nuestro nuevo servicio.

Votación
0 votos

Manuel Veiga presentou o libro «O exiliado e a primavera», co que obtivo o Xerais de Novela 2004