«Mareas vivas» cumpre 20 anos

Televisión de Galicia celebra esta noite o aniversario da emisión do primeiro episodio da serie de Voz Audiovisual cun programa especial gravado en Laxe


redacción / la voz

Televisión de Galicia celebra esta noite o aniversario da emisión do primeiro episodio da serie Mareas vivas cun programa especial gravado en Laxe e aderezado coa presenza de moitos dos actores e actrices protagonistas

En xaneiro de 1999 preto de 270.000 espectadores galegos sintonizaban o primeiro episodio de Mareas vivas, unha produción de Voz Audiovisual para TVG, e quedaban enganchados ás súas tramas que combinaban comedia, drama e humor; aos seus personaxes recoñecibles e a uns exteriores que coprotagonizaban as secuencias.

Dende ese momento, Mareas vivas converteuse nun auténtico fenómeno de audiencias, e a ficticia vila de Portozás era o lugar no que moitos dos seus espectadores desexaban vivir. A serie, que tiña unha duración inicial de 13 episodios, renovouse ata chegar aos 150 capítulos repartidos en once temporadas e mantívose en antena ata o 2002.

O éxito da serie tamén supuxo a reivindicación da forma de falar da Costa da Morte e foi un auténtico revulsivo turístico para Laxe, que acolleu a maior parte da gravación dos exteriores da serie.

Para celebrar o aniversario de Mareas vivas, Televisión de Galicia emitirá esta noite un especial para o programa Inimitables gravado na lonxa de Laxe. Na rodaxe participaron algunhas das actrices e actores que formaron parte da serie, como Isabel Blanco, Carlos Blanco, Ana Santos, Xaquín Caamaño, Santi Romay ou Patricia Fernández, que, arroupados polos laxenses, volveron á ficticia vila de Portozás por un día.

O programa tamén conta coas actuacións musicais de Mercedes Peón, que puxo voz á sintonía da serie, as gaitas de Maruxía, ao grupo de pandereteiras de Andora ou O Tren da Unha, entre outros.

Ana Santos: «Sigo gardando a serie no meu corazón»

h. r.

Ana Santos posúe unha longa traxectoria como actriz que abrangue o teatro, a dobraxe ou a televisión, pero a súa primeira incursión no audiovisual tivo lugar hai vinte anos interpretando a Pitusa en Mareas vivas.

-Que atoparán os espectadores no programa especial de «Mareas vivas»?

-Volveremos a ver a algúns dos actores e actrices que participamos na serie. Veremos a Mercedes Peón, á xente de Laxe e moitas outras cousas. Hai que velo (ri).

-Como viviu vostede o regreso a Portozás para a gravación do especial?

-Moi ben. Foi un momento moi bonito porque rememoramos vivencias da serie. A min Laxe gústame desde sempre e volver a ver o seu mar foi moi bonito. Tamén a xente foi moi agradable e acolleunos moi ben.

Seguir leyendo

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
4 votos
Comentarios

«Mareas vivas» cumpre 20 anos