«Serramoura» verase tamén na canle VM Latino de EE. UU.

Seis series de TVG foron contratadas en mercados internacionais, entre elas «Terra de Miranda» e «Os Bolechas»


redacción / la voz

Seis series promovidas por Televisión de Galicia entre o sector audiovisual galego foron contratadas no mercado internacional nos dous últimos anos. O medio público está a apoiar a distribución internacional dos seus produtos audiovisuais, o último deles a serie Serramoura, de Voz Audiovisual, que chega este mes a Rusia nas 43 plataformas dixitais de televisión de Sony SciFi e acaba de ser vendida tamén ao Canal VM Latino de Estados Unidos

Segundo a información facilitada pola Corporación Radio e Televisión de Galicia, outra serie de Voz Audiovisual, Terra de Miranda, foi comercializada en Polonia e emitida polas 16 estacións de TVP Regionalna

Destaca a CRTVG que a súa colaboración coa RTP lusa posibilitou así mesmo a coprodución dunha nova serie de corte histórico, Vidago Palace, que empezou a gravarse este mes no balneario de Vidago (Portugal). A canle pública galega leva desenvolvidos xa varios programas en directo en colaboración coa RTP, que permitiron emitir desde Galicia o mesmo espazo para os dous territorios. 

Tamén a popular serie de animación da TVG Os Bolechas emítese desde o 1 de xaneiro do 2015 na RTP baixo o título Os Bochechas, pois así son coñecidos no país veciño os irmáns creados por Pepe Carreiro. Isto supuxo, ademais, a introdución dos Bolechas no continente africano, pois a canle pública difunde a serie tamén a través de RTP África. 

Outra serie de Televisión de Galicia, O Faro, foi vendida no 2015 ao grupo de comunicación iraniano Gem TV para ofrecerse pola canle Rubix TV en países como Irán e Iraq. Ademais, esta mesma serie foi vendida á distribuidora Tanweer Universe para a súa emisión en Grecia. A estas vendas internacionais hai que engadir nos últimos dous anos a da produción de Televisión de Galicia Hospital Real.

 

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
0 votos
Comentarios

«Serramoura» verase tamén na canle VM Latino de EE. UU.