Marta Doviro: «Galicia é a comunidade con máis festas en verán e inverno»

O programa de V Televisión sobre feiras e romarías emítese os venres


redacción / la voz

Marta Doviro percorreu Galicia en cabalo e en burro, correu diante do boi de Allariz, peregrinou 19 quilómetros baixo a choiva, fabricou queixo e pescou nos ríos galegos. Desde o seu papel de presentadora de A mochila do viaxeiro, esta actriz vive en primeira persoa a emoción das principais festas populares galegas. O espazo, producido por Rodaxe Xestión Audiovisual para V Televisión, estrea esta noite novo día de emisión -os venres, ás 21.40 horas, con reposicións os domingos, ás 13.30- cun repaso ao San Froilán de Lugo, no que percorrerá o adarve da muralla romana, visitará as casetas do polbo e conversará con Di Elas, o grupo de Luís Tosar.

-¿Cal é o espirito do programa?

-Trata de contar como vive unha viaxeira unha xornada nunha festa popular galega, participando nos actos, coñecendo á xente e probando os productos. Non somos reporteiros, tratamos de vivir a festa en primeira persoa para que a xente se identifique. Se hai que correr diante do boi de Allariz, alí estamos. Trátase de coñecer de cerca a nosa cultura. Por exemplo, na Festa do Queixo de Arzúa fixen queixo, na Feira do Mel estiven coas abellas, e na Festa da Troita de Oroso pesquei no Tambre. Alí estiven desde as sete da mañá, río arriba e abaixo...

-¿E picaron?

-Non pesquei nada, pero volvereino intentar.

-¿Que cousas descubriu como viaxeira televisiva?

-Fascináronme cousas como as paisaxes dos cañóns do Sil, o carnaval de Laza ou a Rapa das Bestas. Tampouco coñecía a romaría da Virxe da Franqueira, en A Cañiza. Un día erguémonos ás cinco da mañá e fixemos a peregrinación cun grupo ao longo de 19 quilómetros baixo a choiva. Desta forma vives de cerca o que significan estas festas para as persoas. Tamén estivemos en Lourenzá, e descubrimos o traballo que se pasa para coidar algo tan sinxelo como unha faba. A xente defende moito o que considera seu e eu valoro moito iso.

-¿Xa era vostede festeira antes do programa?

-Coñecía festas como o San Xoán coruñés, o Festival de Ortigueira ou o San Froilán de Lugo, pero todas elas son acontecementos que paga a pena vivir desde dentro.

-Ao final, ¿todas as festas son iguais?

-Todas teñen algo en común, especialmente esa parte que agora está de moda como son os chiringuitos e parte de mercadillo, pero cada unha ten a súa identidade. As festas gastronómicas comparten o seu carácter familiar, mentras que as relixiosas sempre son máis íntimas e respectuosas. Despois hai outras como o boi de Allariz, a Rapa das Bestas ou os carnavais que son únicas e diferenciadas.

-E esta noite estará no San Froilán, con Luís Tosar...

-Estivemos cos cinco compoñentes de Di Elas nas probas de son e falamos con eles de moitas cousas. Estaban moi contentos, porque remataban a xira de concertos na súa cidade.

-As festas son para o verán. ¿E que pasa en inverno?

-En inverno tamén hai moitas festas, aínda que algunhas menos coñecidas e con menos xente. Somos a comunidade que máis festas ten, tanto en inverno como en verán. En Galicia sempre hai algunha festa que celebrar.

marta doviro presentadora de «a mochila do viaxeiro»

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
3 votos

Marta Doviro: «Galicia é a comunidade con máis festas en verán e inverno»