«A estas alturas, ou dominan os nervios ou vanse para casiña»

MEMBRO DO XURADO DE «SON DE ESTRELAS» Leva no mundo da música dende 1961 e asegura que «Son de estrelas» está a crear o auténtico fenómeno de fans do pop


redacción

Nonito Pereira leva no mundo da música dende 1961 e asegura que «as estrelas se non nacen, se fan». Esta noite, volverá a exercer de xurado de Son de estrelas (TVG) e terá que puntuar aos concursantes unha vez máis. «En Galicia xa hai artistas de rock e folk importantes. A filosofía deste programa é atopar unha estrela do pop galego», explica Pereira. O produtor musical valora positivamente a evolución dos aspirantes a cantantes e coida que «haberá sorpresas», e dos 12 participantes, «catro ou cinco sairán con profesión». Pero tamén avanza que a partir da gala de hoxe o xurado vai ser moito máis crítico: «A estas alturas, ou dominan os nervios ou para casiña».-Despois de doce galas, xa terá algún favorito. -Teño catro ou cinco, pero as preferencias aínda poden mudar; un día o fan ben, outro regular... depende do rexistro que lles toque. Búscase ao cantante global e iso é moi difícil; se escoitásemos a Julio Iglesias cantando ópera sería horrible. O importante é que os concursantes atopen a súa personalidade musical. Se arranxan o desafine e lle dan o seu toque ao tema é porque teñen talento. -¿Os aspirantes estanse a converter en bos alumnos? -O labor é moi arduo. Non é nada sinxelo porque as traducións ás veces son difíciles de encaixar e a súa interpretación é dificilísima: I Love, en inglés, pasa ser Eu te quero moito, moito, moito... Teñen moitísimo mérito, iso é incuestionable. -¿O xurado nota a melloría en cada gala?-Ao principio, falabamos de desafinar, agora da tonalidade e de sentimento. Ata agora eran cantantes de karaoke ou orquestra. O que pretende o xurado é que aprendan a interpretar. As boas voces non son ningunha garantía na música actual, sábeo todo o mundo. No programa, hai xente que ten boa voz, pero a bota fora sen control, e outros que a teñen e conseguen interpretar.-¿Que non lle pode faltar a un bo artista?-O máis importante é a expresión, a estética (e non me refiro a que estean gordos ou delgados); que se movan ben polo escenario. Os artistas entran máis polos ollos que polos oídos. Agora, todo son play back e voces retocadas. Iso si, fora do escenario os artistas tamén se deben ao público. -Nesta fase final, ¿cal é o principal problema co que se atopan os aspirantes?-A xente segue saíndo nerviosa. Ao principio cústalles coller o ton, o que conleva que non poidan ir medrando ao longo da actuación. Comezan mal e están tan pendentes das cuestións técnicas que lles custa interpretar e esquécense ata da letra.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
0 votos

«A estas alturas, ou dominan os nervios ou vanse para casiña»