Carlos Blanco presenta e dirixe o primeiro «late night» da TVG, «Somos unha potenzia»


la voz | santiago

?esde o vindeiro luns, a Televisión de Galicia ofrecerá cada noite do primeiro día da semana un repaso singular, irónico e sarcástico e algo gamberro daquelas cousas nas que Galicia pode considerarse unha potencia mundial.Presentado e dirixido por Carlos Blanco, Somos unha potenzia é o primeiro late night que emite a galega nun horario considerado de prime time . O show que conducirá Blanco será temático semana por semana, con público en directo, e seccións desde as que afrontar con ironía algunhas das particularidades galegas, as da actualidade e as outras. Producido por Filmanova tras a idea inicial de Blanco e Antón Reixa, o programa terá unha duración de 75 minutos e segundo o seu presentador «é posible que no estético lembre a Sitio distinto , pero argumentalmente non ten nada que ver». Entre as seccións de Somos unha potenzia , a primeira delas é a que se ocupa de explicar cal sería o labor dun corpo de espías galegos, como os que toda potencia mundial ten que ter. Ademais dun monólogo final no que Carlos Blanco fai labores sarcástico-editoriais sobre o argumento da semana, haberá atención para as clases pasivas que se resisten a deixar o sofá ou para o que o guión do programa denominado Desencontros , aqueles galegos do exterior que non teñen gañas de volver a Galicia. Desde a conciencia de ser unha potencia das ideas, o programa inclúe o que recomendan alcaldes galegos aos das grandes cidades do mundo. Un repaso a Internet e dúas espectadoras que van facendo comentarios sobre todo o que acontece no programa completan unha oferta que, segundo Blanco, comezou «como un programa de prime time pero foi evolucionando cara a algo un punto máis gamberro, máis propio dos espectáculos de noite». O programa se realizará en directo despois do verán.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
0 votos

Carlos Blanco presenta e dirixe o primeiro «late night» da TVG, «Somos unha potenzia»