O PEN Clube de Galicia entrega mañá en Santiago os premios Rosalía de Castro


la voz | redacción

Os premios Rosalía de Castro, que este ano chegan á súa sexta edición, entréganse mañá en Santiago de Compostela. Nesta ocasión, os galardóns que concede o PEN Clube de Galicia, distinguiron a traxectoria de Isabel Allende, a portuguesa Agustina Bessa-Luís, Josep Palau i Fabre e Arantxa Urretabizkaia. Os galardóns concédense a escritores de catro sistemas literarios: español, portugués, catalán e éuscaro.O acto celébrase mañá, a partir das 20.30 horas, no Paraninfo da Universidade de Santiago; a entrada é libre. Ademais dos autores galardoados, estarán presentes a conselleira de Cultura, Ánxela Bugallo; o reitor da Universidade, Senén Barro; e o presidente do PEN galego, Luís González Tosar. A mantedora do acto será a escritora Marilar Aleixandre.Diferentes xeraciónsOs catro galardoados pertencen a diferentes xeracións literarias, pero a súa obra é representativa do seu tempo e o lugar do que proceden. Isabel Allende é a escritora latinoamericana máis lida, con títulos como La casa de los espíritus ou Los cuentos de Eva Luna . Bessa-Luís está en posesión do premio literario máis prestixioso de Portugal, o Camoes, mentres que Josep Palau i Febre ten, entre outros, o Premio Nacional de Narrativa. Arantxa Urretabizkaia, narradora e xornalista, é membro da Academia da Lingua Vasca.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
0 votos

O PEN Clube de Galicia entrega mañá en Santiago os premios Rosalía de Castro