O audiovisual galego apoia a colección Galicia de Cine de La Voz

Directores, produtores e actores asistiron á presentación na Coruña da serie Ánxela Bugallo lembrou a Chano Piñeiro e fixo unha decidida aposta pola industria da arte.


la voz | a coruña

La Voz presentou onte a súa colección Galicia de Cine, nunha cerimonia á que asistiu o mundo do audiovisual galego. Presentado por Uxía Blanco, o acto contou coa presenza da conselleira de Cultura e Deporte, Ánxela Bugallo; o director xeral da Radio Televisión de Galicia, Benigno Sánchez, e o director de La Voz de Galicia, Xosé Luís Vilela, que se dirixiron ao publico para destacar a importancia que esta iniciativa ten para a cultura galega.A actriz Uxía Blanco dixo que a colección en DVD permitirá gozar sen límite daquelas películas que xa pecharon o seu camiño pola gran pantalla ou das series de éxito que deixaron de emitirse e que o público leva na memoria. Ánxela Bugallo quixo lembrar unha frase do desaparecido director galego Chano Piñeiro, que resume a súa teima: «Facer cine en Galicia é posible. Facer cine en galego é necesario». A conselleira destacou que «hoxe en día Chano Piñeiro sería feliz, porque os seus desexos son xa unha realidade». Esa meta que perseguía o director galego «é algo inmediato». Para Ánxela Bugallo, «a normalización do audiovisual galego, con ollada propia, é algo que está aí, e que con proxectos como o de La Voz de Galicia está aínda máis preto».DifusiónA conselleira de Cultura agarda que esta colección, que a partir do próximo domingo comezará a entregarse xunto co xornal, «deberá ir maís alá do noso país e chegar aos centros da emigración para que se socialice ao máximo o produto cultural que se fai en Galicia». A conselleira aproveitou para anunciar que, dende o Goberno galego, se apoia a industria cultural galega, que é «viva e rica»; de aí que dende a súa responsabilidade se empeñe en proporcionar «todas as ferramentas necesarias para poñer en valor iniciativas como Galicia de Cine».O director de La Voz de Galicia, Xosé Luís Vilela, destacou que a pretensión do diario con esta colección é a de «poñer en valor a cultura galega e en concreto o audiovisual». Utilizou a enquisa que La Voz e a súa edición dixital dedica estes días a elixir a palabra máis fermosa do galego para emitir a súa: «Paixón, porque paixón polo noso é o que queremos facer con esta colección». Pola súa parte, o director da Radio Televisión de Galicia, Benigno Sánchez, destacou «a importancia estratéxica para o noso país do audiovisual galego, por empregos, presupostos e medios». Tamén quixo deixar claro o papel da televisión que dirixe, «non só por formar parte de ese sector, senón polo que loitamos por el». Benigno Sánchez afirmou que dende San marcos «saen centos de ideas e creatividade, onde día a día se van sumando proxectos». E como exemplo, puxo un dato enriba da mesa: «Neste ano investiremos 36 millons de euros para o audiovisual, con independencia da produción propia». Por último, agradeceu o esforzo de La Voz con esta colección, xa que «sinerxias como esta, con participación do sector privado e público, son as que xustifican que as cousas se están facendo ben». Para rematar a cerimonia, a presentadora e actriz Uxía Blanco presentou unha curtametraxe dirixido por Marcos Nine sobre «o pai do cine en Galicia, José Ernesto Díaz Noriega».

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
0 votos

O audiovisual galego apoia a colección Galicia de Cine de La Voz