A Fundación Luis Seoane abre a súa actividade cunha mostra fotográfica sobre Frida Kahlo

La Voz LA VOZ | REDACCIÓN

TELEVISIÓN

27 dic 2005 . Actualizado a las 06:00 h.

A Fundación Luis Seoane inaugurará o vindeiro ano as súas actividades coa mostra Frida Kahlo. La gran ocultadora , que reúne 53 retratos realizados entre 1909 e 1954 por prestixiosos fotógrafos e personaxes do entorno da artista mexicana. Este legado gráfico, propiedade do coleccionista norteamericano Spencer Throckmorton, amosa a traxectoria vital e a evolución iconográfica dun dos mitos do século XX. Frida Kahlo foi inmortalizada nas máis variadas poses e actitudes. Consciente do poder de suxestión do medio fotográfico, a artista utilizouno para definir a súa imaxe pública e forxar a súa propia lenda. A mostra poderá ser visitada desde o 20 de xaneiro ata o 31 de marzo do 2006. Outra das actividades previstas para este ano será un proxecto que mestura a danza contemporánea, a música e a creación audiovisual coa obra de Seoane e que se titulará Nas profundidades: os tentáculos dos anxos.