Os editores galegos premiarán aos tres mellores libros editados durante o presente ano


la voz | redacción

? primeira Noite da Edición, que se celebrará este sábado en Compostela, organizada pola Asociación Galega de Editores premiará, entre outras categorías, ao mellor libro publicado durante o presente ano.En total a noite de gala do sector editorial galego ofrecerá seis categorías diferentes de premios. Na primeira, Premio Ánxel Casal ao mellor libro, están como finalistas Herba Moura , de Teresa Moure (Xerais), Historia da educación e da cultura en Galicia , de Antón Costa (Xerais) e Non sei cando nos veremos , de Anxo Rei Ballesteros (Galaxia). O premio Lois Tobío á mellor tradución ten tres candidatos, Mercedes Pacheco por Manhattan Transfer , de John dos Passos (Sotelo Blanco), Xavier Rodríguez Baixeras por O gatopardo, de Tomasi de Lampedusa (Galaxia) e máis a Carmen e María Dolores Torres París pola versión de A república soños , de Nélida Piñón. Na categoría de libros ilustrados, que leva o nome de Isaac Díaz Pardo, os finalistas son Catro poemas galegos , de Lorenzo Varela con ilustracións de Luís Seoane, los Dez contos de Andersen ilustrados por Kiko da Silva e o volume Mellor que decila fora pintala, con ilustracións de Fausto Isorna, ámbolos dous publicados por Galaxia. Na noite tamén se distinguirá a Xerais e Sotelo Blanco polo seus 25 anos de existencia.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
0 votos

Os editores galegos premiarán aos tres mellores libros editados durante o presente ano