Os clásicos da literatura son fonte de inspiración para o cine

A colección de La Voz inclúe obras que deron lugar a grandes filmes «O terceiro home» ou «Dublineses» están considerados obras mestras no seu xénero


la voz | redacción

Xa dende os seus inicios, a industria cinematográfica botou man dos grandes clásicos da literatura universal para inspirarse. As obras mestras foron e son fonte para cineastas, que ás veces acertan e outras erran nas súas versións, porque un clásico presenta facilidades e dificultades: por unha banda hai a certeza de que se trata dunha boa historia, con atractivo, pero, por outra, o risco das comparacións pode ser unha eiva.Na Biblioteca Galega de Clásicos Universais que La Voz ofrecerá aos seus lectores a partir do vindeiro 4 de setembro figuran varias obras nas que se basearon películas; dalgunha delas pode dicirse que está á altura do texto orixinal e, polo tanto, é unha obra mestra da sétima arte. O terceiro home , de Graham Greene, foi levada á gran pantalla por Carol Reed, nun filme que debe boa parte do seu éxito aos actores protagonistas, Joseph Cotten e Orson Welles. Quizais no excelente resultado final tamén influiu o feito de que Greene escribira a historia pensando en que ía ser vista e non lida.Colaboración, que é outra obra mestra tanto da literatura como do cine, non contou coa colaboración entre escritor e cineasta. John Huston colleu un dos relatos da colección de James Joyce, Os mortos , para asinar a que sería a súa última película, pero que foi recibida con entusiasmo pola súa innegable calidade.Hai casos nos que un só libro serve de base para diferente películas. Un bo exemplo é a creación de Mary Shelley, Frankenstein , que coñece numerosas interpretacións. Algúns actores, como Boris Karloff, fixéronse especialmente célebres porque o papel semellaba escrito á súa medida. De Frankenstein pode dicirse que cada xeración cinematográfica tenta apropiarse do mito para construír a súa propia visión. Unha das máis recentes é a do director e actor inglés Kenneth Brannagh, un éxito de público e crítica. A imaxinación de Verne é tan prodixiosa que semella unha fonte inesgotable para o cine; 20.000 leguas baixo os mares trae á memoria o personaxe de Kirk Douglas na súa interpretación do filme. Un clásico das aventuras tamén é Robinson Crusoe , de Daniel Defoe, e que está detrás de ideas como a serie de televisión Perdidos , ademais de incontables películas. Pero un bo libro non garante sempre unha boa película. O director norteamericano Steven Spielberg adaptou A guerra dos mundos de H.G. Wells, con división de opinións acerca do resultado. En todo caso, guste ou non o filme, é seguro que o libro non ha defraudar, porque a súa capacidade para engaiolar lectores está probada dende hai moitos anos.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
0 votos

Os clásicos da literatura son fonte de inspiración para o cine