O político Josep Borrell e o filósofo Fernando Savater son dúas das persoas que intervirán na primeira edición dos Encontros no Atlántico, que, baixo o título Culturas, civilizacións e sociedade global, celebra en Mondariz Balneario entre os días 22 e 26 a Fundación Carlos Casares. Dirixidos por Carlos Fernández e Damián Villalaín, estes encontros nacen con periodicidade bianual e teñen como inspiración o talante aberto e dialogante de Carlos Casares, co obxectivo de contribuír ó enriquecemento da relación entre Galicia e o mundo global. A guerra de Irak, o islamismo e a secularización, literatura, filosofía, relixión e dereitos humanos serán algunhas das cuestións analizadas polos ponentes, entre os que se atopan Darío Valcárcel, Gema Martín Muñoz, Darío Villanueva e Eugenio Trías, ademais de Borrell e Savater. A aposta da Fundación é a de reunir a persoas de diferentes disciplinas para aportar enfoques plurais sobre temas culturiais no amplo sentido da palabra.