Remataron as espectaculares 25 Xornadas Técnicas de difusión do sector pesqueiro de Celeiro. Todos os temas que preocupan e ocupan ao sector foron tratados con rigor e profesionalidade por esa terma de poñentes á altura do que se merece o noso sector.
Lamentos e inquedanzas xúntanse en 3 días nesta terapia de grupo que para o sector tamén supón en certa forma este tipo de xuntanzas.
As ameazas en cernes sobre a actividade, clásicas e crónicas como os recortes de cotas, problemas para completar tripulacións, trabas burocráticas, impacto do cambio climático e outros axentes externos sobre os nosos mares e ecosistemas ou o encarecemento do combustible, sumáselle agora tamén, a fonda preocupación polos plans do Estado para industrializar o caladoiro do Cantábrico-Noroeste e ver como poderosos lobis de industrias enerxéticas, do naval, do metal, etcétera teñen no punto de mira os nosos espazos de traballo e os nosos ecosistemas.
