A Eurocámara pide á Comisión que active o mecanismo de crise pola suba do gasoil

J. g. santalla BRUXELAS / E. LA VOZ

SOMOS MAR

PEPA LOSADA

Os eurodiputados insistieron no seu rexeitamento ao novo marco financieiro plurianual, que recorta os fondos específicos para a pesca

18 mar 2026 . Actualizado a las 04:46 h.

A Comisión de Pesca (PECH) do Parlamento Europeo tratou este martes a proposta da Comisión para a política pesqueira común (PPC) no vindeiro Marco Financeiro Plurianual 2028-2034. Ademais, solicitou á Comisión Europea que activase os mecanismos de emerxencia para o sector, tralo aumento do custe enerxético pola guerra en Irán. Así, reclamaron por en marcha mecanismos de apoio existentes, como o Marco de Crise e Transición Temporal ou os instrumentos de crise previstos no Fondo Europeo Marítimo, Pesqueiro e de Acuicultura (Fempa) para apoiar de inmediato á frota europea fronte a suba do prezo do combustible, así como excepcións para flexibilizar as axudas estatais. A presidenta da Comisión, Carmen Crespo, explicou que o aumento do custe enerxético «pon en risco a viabilidade económica de moitas embarcacións».

Recorte de fondos ao sector

Os grupos políticos tamén amosaron o seu rexeitamento á proposta da Comisión para a política pesqueira común no vindeiro orzamento comunitario, que inclúe un recorte do 67% dos fondos actuais e fusiona o Fempa con outros plans de agricultura ou cohesión. Os tres eurodeputados galegos cargaron contra diversos aspectos da proposta nas súas intervencións.

O socialista Nicolás González-Casares denunciou que adelgacen tanto os cartos como a lexislación, «de 66 a 5 artigos», así como que desaparezan temas básicos como as axudas ao cese temporal e definitivo ou non se mencione nada sobre relevo xeracional.

Millán Mon, do PP, criticou a idea «insensata» de distribuír os fondos en plans nacionais ou a posibilidade de ter que devolver axudas. Ademais, criticou a transformación do Fempa nun regulamento breve e a falta de claridade na proposta, que no papel permitiría o uso de axudas á paralización permanente sen ter que despezar nin eliminar a capacidade pesqueira do rexistro, actualmente prohibido.

Ana Miranda, eurodeputada do BNG, cualificou de «mazazo drástico» o recorte orzamental. «Se queremos facer investigación medioambiental, científica e protexer ao traballadores, como imos facelo con tan poucos fondos?» declarou na súa intervención.