Patrocinado por

A robótica entra nos invernadoiros

Cristina Viu Gomila
Cristina Viu CARBALLO / LA VOZ

AGRICULTURA

ANA GARCIA

Un proxecto de Fonteboa permite automatizar tódolos traballos de horta

11 feb 2020 . Actualizado a las 05:00 h.

Mesmo tomando un café en Carballo ou en Cee é posible controlar o crecemento das leitugas da horta de Fonteboa, en Coristanco. Só é preciso un móbil ou un ordenador para que as plantas medren vizosas. Os alumnos do ciclo superior desenvolveron, grazas a un programa da Dirección Xeral de Xuventude, un proxecto polo que xa non é necesario estar no invernadoiro para poder controlar a horta.

Un robot sementa, rega e mesmo pode distinguir e arrincar as malas herbas, aínda que esta fase está aínda nunha fase moi pouco adiantada porque a máquina, como as persoas, ten que aprender.

O proxecto que desenvolven en Fonteboa consiste na construción e programación dun robot que pode facer o papel das persoas no coidado de campo. Traballa, de momento, nun espazo pequeno, de un metro de ancho, pero pódense colocar todos os que se queira sen problemas, ata facer unha plantación suficiente para vivir unha familia.