Santos pasa de atracador a atracado en «A lei de Santos»

TVG emite esta noite o antepenúltimo episodio da ficción de Voz Audiovisual


Redacción / La Voz

Este domingo, a partir das 22.30 horas Televisión de Galicia emite o antepenúltimo episodio de A Lei de Santos, a ficción de Voz Audiovisual que da continuidade ao personaxe de Serramoura interpretado polo actor Monti Castiñeiras. 

No capítulo desta noite o novo atraco á oficina bancaria de Viladesantos colle por sorpresa a todos os habitantes da vila. Sobre todo, despois de que o mesmo espazo sufrise outro roubo hai pouco.

Pero, a diferenza da primeira vez, Santos, Peixe e Pancho non son os atracadores senón que convértense en vítimas do asalto. Unha circunstancia coa que non contaban nin os efectivos do cuartel da Garda Civil, nin Constante, o tío de Santos e párroco da vila que culpa ao seu sobriño de todas as desgrazas que acontecen nos últimos tempos.

Nesta ocasión, Santos e Peixe atopábanse na sucursal bancaria completando unha acción altruísta. Estaban facendo entrega dos cartos que colleitaron para axudar á cooperativa gandeira da vila e que se atopa nun mal momento económico. A morte de Severino, o administrador da cooperativa, en estrañas circunstancias, puxo de manifesto a delicada situación financeira dos gandeiros de Viladesantos.

Non obstante, o verdadeiro motivo de Santos era aproveitar ese momento de distracción para que Pancho devolvese á caixa forte do banco a cabeza que atoparon na caixa de seguridade de Antonia, coa intención de que a personaxe que interpreta Sonia Castelo deixe de consideralos un obxectivo a bater. Pero o atraco afecta ao plan de Santos.

Sen tempo que perder fará todo o posible por gañar tempo e manter aos atracadores á marxe, a pesar de que fixeron como reféns a todos os que se atopaban nese momento na oficina. Conseguirán saír desta?

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
0 votos
Comentarios

Santos pasa de atracador a atracado en «A lei de Santos»