As recomendacións de Anxo Lorenzo para seguir no confinamento

«Eu o que fago a través das redes sociais, basicamente Facebook e Twitter, é difundir contidos culturais, a ser posible multimedia», di o secretario xeral de Cultura da Xunta


vigo / la voz

«Eu o que fago a través das redes sociais, basicamente Facebook e Twitter, é difundir contidos culturais, a ser posible multimedia, que incorporen texto, audio ou vídeo, e que considere que son de interese para diferentes tipos de públicos». O di Anxo Lorenzo, secretario xeral de Cultura da Xunta. Dende que foi decretado o estado de alarma, e o conseguinte confinamento doméstico, o xestor vigués comezou a facer propostas culturais aos seus seguidores nas redes como vías de achegarse á cultura galega a través de Internet.

Son vieiros diversos, como os que levan á Cidade da Cultura sen moverse de casa para seguir unha visita guiada pola exposición Galicia, un relato no mundo. Pero tamén singularidades como a exposición de documentos gardados no Arquivo de Galicia. Subiu algúns relacionados co misterioso asasinato do marqués de Valladares a mediados do século XVIII. «Tiña todos os ingredientes para espertar a curiosidade da xente pois había infidelidades, acusación de parricidio e, como fondo, a herdanza do título e as propiedades do marquesado», se pode ler na entrada correspondente en Facebook.

«Recomendo moitos contidos de Galiciana, polo interese que ten para públicos moi diversos; e tamén recomendo contidos das bibliotecas galegas ou tamén do CGAC, que ten fondos moi interesantes para difundir; e, por suposto, recomendo contidos da Cidade da Cultura, porque hai moito material», sinala.

Todas as recomendacións feitas por Anxo Lorenzo levan o hashtag #aculturasegue, o que sinala a idea condutora de mesturar ocio e cultura neste histórico momento. As propostas pasan por distintos soportes e modalidades. Hai audiovisuais, na súa meirande parte, procedentes do Centro Galego das Artes da Imaxe; exposicións comentadas, como a que non se puido inaugurar no Centro Galego de Arte Contemporánea dedicada a unha retrospectiva de Antón Patiño; ou as portadas artísticas de revistas históricas, como Mondariz, custodiadas pola Biblioteca de Galicia.

Non se esquece o director xeral da música e pon sobre a pista dunha actuación especial da Banda de Música de Silleda, porque os seus compoñentes tocan unha mesma composición pero sen saír das súas respectivas casas.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
2 votos
Comentarios

As recomendacións de Anxo Lorenzo para seguir no confinamento