O colexio salesiano de Cambados estrea a aula virtual

O sistema permite manter o fío da aprendizase e manter o contacto entre profesores e alumnos


Cambados

Analizando as noticias que ían chegando a semana pasada sobre a expansión do COVID-19 e previndo unha posible suspensión temporal da actividade lectiva, o colexio salesiano de Cambados decidiu poñer en marcha unha ferramenta máis do G-Suite implantada xa ao longo deste curso: Google Classroom. Deste xeito, o alumnado foi aprendendo a traballar neste soporte educativo cos Chromebooks e desde o luns 16 de marzo está en contacto co profesorado e cos seus titores e titoras. Deles reciben tarefas, actividades, aprenden a través de xogos, comparten documentos, noticias, explicacións, resolución de dúbidas e o profesor de Educación Física propón actividades que poden realizar na casa para manterse activos fisicamente.

«O principal obxectivo é continuar, na medida do posible, o ritmo académico do curso, sempre tendo moi presente a realidade das nosas familias, pois non todo o alumnado está en condicións de recibir clases online».

«Non só empregamos dita ferramenta para desenvolver actividades académicas, tamén a empregamos para manternos próximos ao alumnado nestes tempos de illamento. Os rapaces e as rapazas estannos a transmitir como se senten», segundo explican desde o centro.

«Reforzando a consigna de #euquedonacasa, entre todos e todas debemos conseguir que o contacto virtual nos faga sentir preto uns dos outros e nos permita continuar dalgún xeito próximos no proceso educativo do alumnado».

Esta iniciativa encadra no proxecto Resiliencias que está a levar a cabo o colexio salesiano, co cal se invita ao alumnado a sobrepoñerse ás dificultades e traballar as fortalezas individuais.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
0 votos
Comentarios

O colexio salesiano de Cambados estrea a aula virtual