Asuntos internos pon en perigo a Manuela en «A Estiba»

Seguen os problemas para a comisaria Fortes


Redacción / La Voz

Este domingo, a partir das 22:30h, Televisión de Galicia emite un novo episodio do thriller A Estiba no que a investigación do atentado contra o alcalde marcará a actividade da comisaría de Ardora. Co caso de Xabier en punto morto, os efectivos da comisaría de policía céntranse na investigación do coche bomba contra o alcalde, no que non houbo que lamentar vítimas mortais. As pescudas de Cruz non tardan en sinalar a unha sospeitosa: Caniche. Pero as probas son moi confusas e Cruz sospeita que se trata dunha montaxe. Pero a investigación do atentado non é o único problema para a comisaria Manuela Fortes. Sofía, a inspectora de asuntos internos que está investigado os negocios ilícitos de Emilio Fortes e a posible implicación da súa familia. Entre a documentación atopou indicios de que Manuela ocultou probas que podían demostrar a relación de Mercedes coas corruptelas do comisario Fortes. Pero os indicios non son suficientes para acusar a Manuela, polo que necesita unha testemuña. Sofía aproveita a desconfianza que existe entre Kubala e a comisaria. A presión pode con Kubala que debaterase entre o deber que representa o uniforme ou o que lle di o seu corazón, polo que non dubidará en presentar unha petición de traslado.

Mentres tanto, Lionel está facendo o imposible por conseguir o visto bo de Marcos ao seu proxecto para o porto de Ardora, polo que non se toma nada ben a negativa do alcalde. Co fin de axudar ao seu xefe, Rosalía ofrécese para aproveitar as diferenzas entre os bandos de César e Castor para negociar cos estibadores a fin da folga, o que motivaría un cambio de posicionamento do alcalde. Ao mesmo tempo, César sospeita dos verdadeiros intereses de Lionel e aproveita a presenza de Amalia, a xornalista que chegou a Ardora, para que investigue o pasado do construtor máis influínte da vila.

Pero as preocupacións de César cambian totalmente cando se decata de que Antón, o seu irmán pequeno, leva un tempo traballando para Covas, o traficante máis perigoso de Ardora e inimigo declarado de César Longueira.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
0 votos
Comentarios

Asuntos internos pon en perigo a Manuela en «A Estiba»