José Luis Chaves Álvarez: «Véndese moi ben, mellor que o ano pasado, pero menos que en Noiteboa»

José Luis Chaves, propietario da Peixería Grallal en Covas (Viveiro), amósase satisfeito co traballo destes días


viveiro / la voz

José Luis Chaves Álvarez, Choco, é o propietario da Peixería Grallal, da parroquia de Covas (Viveiro), un dos puntos de venda de peixe e marisco con mellor fama na comarca da Mariña. Amósase satisfeito co traballo destes días, pero afirma que nos días previos á Noiteboa sempre teñen máis traballo que cando se achega a Noitevella. 

-Xa se nota o tirón de Noitevella?

-Si, estamos traballando moito. Véndese moi ben, mellor que o ano pasado. Notamos unha mellora importante respecto aos anos anteriores.

-Son máis fortes estes días que os previos á Noiteboa?

-Non, non. Noiteboa é máis forte, supoño que, en parte, porque agora en Noitevella algúns comen fóra da casa.

-Que é o que máis lle piden?

-Principalmente ameixa e centola. Tamén sae moi ben a nécora. E os percebes.

-Escasea algún produto?

-O que máis, quizais, o camarón. De feito eu non o teño. Tampouco hai moita palometa vermella. Do resto, todo foi vindo en boas cantidades.

-Os prezos varían moito?

-Non, non demasiado. Respecto á semana pasada todo está máis ou menos igual, excepto a pescada, que subiu un pouco.

-Son agora máis comúns as compras para conxelar?

-Non. É algo moi raro, que fan moi poucos. A xente segue preferindo levar os peixes e mariscos frescos, e máis nestas datas.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
0 votos
Comentarios

José Luis Chaves Álvarez: «Véndese moi ben, mellor que o ano pasado, pero menos que en Noiteboa»