Este sábado inaugurará novas propostas
05 jun 2026 . Actualizado a las 04:50 h.O Museo da Maxia de Galicia reabre as súas portas despois da reforma do espazo expositivo no local da praza de San Martiño Pinario cunha nova programación centrada no ilusionismo galego e nas «visitas máxicas». Precisamente, inaugurará as novas actividades este sábado coincidindo coa festividade do barrio, «San Martiño 50 anos aló». Así, ao longo da xornada, ofrecerá de xeito gratuíto obradoiros de maxia infantil, un espectáculo a cargo do colectivo Compostela Máxica e a estrea do formato «Maxia nos escaparates do museo». Ademais do director do centro, Eloy Fernández, actuará Joshua Kenneth, ilusionista coruñés galardoado co Premio Europeo de Maxia.
O museo reinaugurou recentemente as instalacións despois da súa modificación. O director desde o pasado novembro, Eloy Fernández, resaltou que o obxectivo é situar no centro o valor do ilusionismo galego.
Entre as iniciativas que incorporaron á oferta, están as visitas «Estrelas da maxia galega», unha experiencia dunha hora de duración no museo na que pequenos e maiores atoparán pezas históricas, ilusións interactivas e trebellos sorprendentes, con maxia en directo para coñecer a historia do ilusionismo galego. A nova mostra permanente conta como novidade co legado completo do «Houdini galego», o conde de Waldemar, de Portomarín.
Por último, o museo contará con «A cova das Meigas», que incluirá unha tempada regular de espectáculos de maxia de preto de Galicia.