Emma araújo
Alexandre Sotelino (Ourense, 1986), profesor contratado e doutor da Facultade de Ciencias da Educación da USC, vén de ser nomeado mellor docente universitario na convocatoria do Premio Educa Abanca, un recoñecemento que ten un valor moi especial porque se concede a proposta do alumnado, que o nominou en tres ocasións.
—Agardaba o premio por iso de que á terceira vai a vencida?
—É o que me di todo o mundo, pero foi bastante sorpresa. O nomeamento colleume nun congreso, e relativiceino moito. Non vai supoñer cambios nin no que penso nin en como fago as cousas, mais alá do recoñecemento do alumnado, que sempre se agradece.
