A Selic acolle a Domingo Villar e aos seus contos sobre galegos na diáspora
SANTIAGO CIUDAD
O escritor vigués explicou que se trata de contos «que foron lidos moitas veces en voz alta para os meus amigos e familia»
14 sep 2021 . Actualizado a las 05:00 h.A Semana do Libro de Compostela acolleu a Domingo Villar e o seu novo libro de relatos breves. O escritor especialista en novela policial decidiu na pandemia que quería publicar os contos que levaba escribindo dende fai anos. «Isto é un xiro para a xente que non me coñece, porque eu xa hai moitos anos que escribo relato curto», manifestaba en compañía de Camilo Franco, director da Selic 2021. O escritor vigués explicou que se trata de contos «que foron lidos moitas veces en voz alta para os meus amigos e familia» e que el os mantiña como «substancia de intimidade para a miña xente».
Algúns contos completos da Editorial Galaxia, que xa está dispoñible dende o pasado día 8 nas librerías, componse de dez relatos ilustrados con linogravados de Carlos Baonza. Estes son «historias de galegos na diáspora» que segundo o autor, teñen o fío común do mar e a terra. E aínda que se trata dun estilo totalmente diferente ao que ten acostumado ao seu público, destacou que «a xente que leu as miñas novelas vaime recoñecer». Ademais, adiantou que sigue traballando co inspector Leo Caldas, protagonista das súas novelas policiais, e que este se encontra investigando uns restos que se atopou nunha cova cerca do mar.
A USC achega trinta novidades
Pola súa banda, o Servizo de Publicacións e Intercambio Científico da Universidade tamén está presente nesta nova edición da Selic. Así, achega preto de trinta novidades editoriais de diversas coleccións e temáticas.