Santiago: Hemeroteca | 1991 | Conxo, «en pé de guerra» pola vía Cornes-A Choupana

Os veciños de Conxo amosaban o seu malestar polas expropiacións para a vía entre Cornes e A Choupana, que afectaban a unhas catrocentas parcelas e vinte vivendas. Así, indicaban que o barrio se poría «en pé de guerra» se as expropiacións lle prexudicaban. Nese sentido, desde a Asociación de Veciños Doutor Maceira canalizaban as demandas dos afectados e xa rexeitaran o primeiro proxecto realizado para dotar de novas vivendas aos afectados, xa que consideraban que non eran axeitadas para persoas de avanzada idade. Tamén estaban preocupados polo importe das expropiacións.