Strelia Electrotecnia, Numax e Cantigas e Agarimos reciben os Premios Manuel Beiras do 2019

Promovidos pola Cámara de Comercio de Compostela, chegaron á súa vixésima edición


santiago / la Voz

Strelia Electrotecnia, Numax Sociedade Cooperativa e a agrupación folclórica Cantigas e Agarimos son os gañadores da vixésima edición dos Premios Manuel Beiras, promovidos pola Cámara de Comercio para distinguir o labor en favor da lingua galega na empresa. Os galardóns foron entregados no Teatro Principal.

Strelia Electrotecnia foi a empresa gañadora na categoría de uso continuado do galego. O xurado premiouna por «empregar o galego nun sector empresarial innovador e dinámico como é o da electrónica de telecomunicacións, a oceanografía, as ciencias da terra, o control industrial e a eficiencia enerxética». Numax recibiu o galardón na modalidade de nova incorporación. No seu caso, o xurado premiou «incorporar a lingua a un proxecto empresarial que tiña tanto de arriscado como de atractivo e innovador». Destaca que Numax representa «un lugar onde o galego comparte protagonismo coas historias que alí suceden». E a distinción especial foi para a agrupación Cantigas e Agarimos, «unha entidade que xa forma parte do valioso patrimonio cultural da cidade de Santiago».

Conoce nuestra newsletter con toda la actualidad de Santiago

Hemos creado para ti una selección de noticias de la ciudad y su área metropolitana para que las recibas en tu correo electrónico. Descubre nuestro nuevo servicio.

Votación
1 votos
Comentarios

Strelia Electrotecnia, Numax e Cantigas e Agarimos reciben os Premios Manuel Beiras do 2019